Divançe 002 Ey sâkî-i kevser-nisâr Doldur şerâb-ı eynemâ

 



2

1 Ey sâkî-i kevser-nisar
Doldur şerâb-ı eynemâ
Ey nâşir-i bû-müşgibâr
Doldur şerâb-ı eynemâ
 
Gözler seni mestâneler
Olsun güşad meyhâneler
Pervâne-veş peymâneler
Doldur şerâb-ı eynemâ
 
Ey sâkî-i devr-i zeman
Âşıklara dâru’l-eman
Ey himmeti âb-ı revan
Doldur şerâb-ı eynemâ
 
Nûr-i hidâyet matla‘ı
Zât-ı füyûzat menba‘ı
Dilden dile nur melme‘i
Doldur şerâb-ı eynemâ


 



5 Ey sâkî-i mey-i vefâ
Kalbe şerâbındır şifâ
Ey sohbeti bezme safâ 
Doldur şerâb-ı eynemâ
 
Mestâneler dilşâd ola
Dîvâneler irşâd ola
Kāmetleri şimşâd ola
Doldur şerâb-ı eynemâ
 
LUTFÎ’ye lutfeyle bu dem
Cânım fedâ nûr-i dîdem
Dilhâne gözler dembedem
Doldur şerâb-ı eynemâ