Divançe 011 Dilde hâlların hayâli nûr-i îmândır bana




11

1 Dilde hâlların hayâli nûr-i îmandır bana
Hayret-i husnin kitâbı ilm ü irfandır bana
 
Ol kadar mest eylemiş cîm-i cemâlin bâdesi
Gön­lü­mü etmiş gülistan kevser-i candır bana
 
Ey kerem-şan lutf u ihsandır kerimler pîşesi
Hâk-i pâyin zerresi her derde dermandır bana
 
Hûriler hayrân ola bir şâhid-i mânâya kim
Kelb-i kûyinle müşerref olduğum şândır bana













5 Kayd-bend etdi beni zindân-ı zülfünde senin
Kâkülün sevdâsı cânâ kurb-i cânandır bana
 
Mısr-ı mânâda Yûsuf-i câne âşıkdır gönül
Yûsuf olmazsa bu âlem ayn-i zindandır bana
 
Yâri kim ağyâri kim farketmez ise bir gönül
Gafletinden zanneder ki dostu düşmandır bana
 
Ey güzellere güzellik bahşeden mahbûb-i can
Lutf u kahrin cânıma bahşiş-i yeksandır bana
 
Ey Kerim deryâ-yı lutfundan n’ola bu LUTFÎ’ ye
Katre-i ummân-ı cûdun yine ummandır bana