Divançe 003 Nevâ-yı nây-ı dilden dinleyen dilşâd olur cânâ

3
 
1 Nevâ-yı nây-ı dilden dinleyen dilşâd olur cânâ
Şerâb-ı vahdeti nûş eyleyen irşâd olur cânâ
 
Hidâyet bağçesinde verd-i vahdetler açılmışdır
Seher bâd-ı sabâ mahbûbesi şimşad olur cânâ
 
Safâ-yı sâfî sadre bahşeder ebrû-keman dilber
O zülf-i zer-feşân uşşâkına bîdâd olur cânâ
 
Vefâdar şûh u şeng mehrûleri kim gördü âlemde
Nedendir çâr-ebrûler cefâ mûtad olur cânâ
 
5 Ne fitne-engîz olmuşdur bugün bu mihribân gülber
Olursa yine Allah’dan bize imdâd olur cânâ
 
Bugün LUTFÎ kebâb olmuş ciğer-pârelerin bir gör
Şivengâh-ı gönülde nice bin feryâd olur cânâ